可持續海產 生態與發展平衡其實唔難

 

 

港人開飯食得招積,生猛海鮮更是餐桌上不可或缺的主菜,不過大家有無諗過點先算食得環保?有西餐廳東主為提供優質海鮮,由飲食「踩過界」兼營批發,更取得國際性認證資格,從世界各地輸入「可持續海產」,令客人食得開心又環保,「我哋呢一代有得食,下一代都有得食!」

 

記者:佘錦洪

 

「可持續海產」是指遵從可持續發展策略捕撈或養殖的海鮮,包括限制漁獲的大小、捕撈或養殖的方法、對勞工的保障等,由兩大國際性機構海洋管理委員會(MSC)及水產養殖管理委員會(ASC)負責認證。合資格的養殖場每年均有專人巡查,漁民出海時亦有監察員陪同,確保生態及發展取得平衡符合規定。

 

嘉安優質食品銷售總監梁家成表示,可持續海產在外國盛行多年,比一般海產僅貴約5%至15%,「一般人都負擔到」,近年方獲本地關注。要取得相關認可資格,首先要經連串考核,從採購到銷售都需專人監管,前後花六個月學習,去年終獲MSC及ASC認證,亦是首間本地公司取得ASC資格,「因為係新公司,所以要變都唔太難」。

 

祖上世代為漁民,39歲梁家成中年求變,三年前放棄眼鏡廠生意改開餐廳,全因難忘少時在漁村所見所聞,「成個人咁高嘅龍躉喺面前就咁劏」。無任何餐廳經驗的他,雖在食店林立的大坑覓到好舖位,但在店舖裝修時卻被裝修師傅一言驚醒,「咁細間餐廳得16個位,死梗嫁喎」,於是尋找不一樣的食材,鎖定可持續海產為主打項目,「點知去到佢(批發商)問我要一(貨)櫃定十櫃」,誤打誤撞兼營批發生意。

 

梁家成指現時可持續海產佔公司生意七成,餐廳食物均使用時令可持續海產,坦言「錢就賺唔到,希望將呢樣嘢推廣開去」。為求引入優質產品,他特意找捕漁多年的叔伯兄弟「教路」,親力親為到產地揀靚貨,又會到超級市場做搶廣,「見到啲人試食完都讚好食,覺得好有滿足感。」

 

梁家成表示,現時會與非牟利機構合作進行教育推廣,並協助酒店制定環保政策,將可持續海產納入食材採購標準,未來會積極推動自家品牌,令更多人認識可持續海產,「最緊要大家都繼續有得食(海鮮)。」 

 

 

 

 

Please reload

Our Recent Posts

港式咖喱魚蛋

靚太煮廚

魚蛋工作坊 - FOODIE

1/1
Please reload

Tags

Please reload